അടഞ്ഞുപോയ പാൽക്കുപ്പികൾ

മറന്നു പോയ ഇന്നലെകളിലെവിടെയോ

ഒളിച്ചിരിക്കാൻ മടികാണിച്ച ആ കൊച്ചു 

പയ്യനിന്നെന്തേ ഇത്ര തിടുക്കം 

രാത്രികൾ പകലാകുവാനും പകലുകൾ 

രാത്രിയായും മാറിയങ്ങുപോകുവാൻ

എന്തിനിത്ര വെപ്രാളം ?

ചുറ്റും ഇരുട്ടാണെന്ന് തോന്നുമ്പോഴും

സ്വയം വെളിച്ചമായവൻ ഇന്ന്

എന്തിനെയാണ് ഇത്ര ഭയക്കുന്നത്?

നാളെയെയോ അതോ ഇന്നോ

ഇതൊന്നുമല്ലെങ്കിൽ സ്വയം മറന്ന്

അമ്മാനമാടുന്ന സ്വന്തം മനസിനെയോ