അമ്മമനം
അമ്മമനം
ഒരുപാടു ലാളിച്ചു ഒരുപാടു സ്നേഹിച്ചു
തേനൂറും ഭാഷയിൽ കഥകളോതി
സുന്ദര സുരഭില സ്വപ്നങ്ങൾ നെയ്യുന്ന
മാതാവിൻ ഹൃത്തൊരു പാൽക്കടൽ പോൽ
സ്നേഹാമൃതത്തെ ഒളിപ്പിച്ചു വയ്ക്കുന്ന
സ്നേഹത്തിൻ അക്ഷയ ഖനിയാണമ്മ
അമ്മതൻ ഹൃത്തിൽ ഒളിപ്പിച്ചു വച്ചുള്ള
സ്നേഹത്തിൻ നിധിയെന്തേ കാണുന്നില്ല
അക്ഷര തേൻതുള്ളി ആദ്യമായ് നൽകുന്ന
ആദ്യ ഗുരുനാഥ അമ്മയല്ലോ
അറിവിന്റെ അക്ഷര ജ്വാലയായി പടരുമ്പോൾ
അകതാരിൽ പടരട്ടെ സ്നേഹ ദീപം
നമ്മുടെ നോക്കിലും വാക്കിലും കാണണം
അമ്മതൻ സ്നേഹത്തിൻ പൂർണ്ണ തിങ്കൾ
കെട്ടകാലത്തിൻ തമസ്സകറ്റീടുവാൻ
പൂനിലാവായി പരക്കണം നാം
നമ്മുടെ മേധയും ചിന്താ ശകലവും
വിശ്വത്തിൻ ജ്യോതിയായി മാറിടട്ടെ