ತಾಳ್ಮೆಯ ಆಯುಧ

 ಸುಹನಾ ಆ ಮನೆಗೆ ಸೊಸೆಯಾಗಿ ಬಂದು ಇಪ್ಪತ್ತು ವರುಷಗಳಾಗಿತ್ತು . ಅತ್ತೆ ಮತ್ತೆ ಸೊಸೆಯರ ಅನ್ಯೋನ್ಯತೆ ಕಂಡು ಗೆಳತಿಯಾಗಿದ್ದ ನನಗೂ ಎಲ್ಲೋ ಅಸೂಯೆ ಕಂಡಿದ್ದು ಸುಳ್ಳಲ್ಲ . ಅದೇ ಹಠಾತ್ತನೆ ಮನೋವ್ಯಾಧಿಯಿಂದ ಬಳಲುತ್ತಿರುವಾಗ ಅತ್ತೆ ಥೇಟ್ ಮಗಳಾದಳು. ತನ್ನ ಇಬ್ಬರು ಮಕ್ಕಳೊಂದಿಗೆ ಅತ್ತೆಯನ್ನು ಮಗಳಂತೆ ಪ್ರೀತಿಯಿಂದ ಪೋಷಿಸಿದಳು ಸುಹನಾ .

ದಿನವಿಡಿಯ ಶ್ರಮದಲ್ಲಿ ತಾಳ್ಮೆಯ ಆಯುಧವನ್ನು ಬಳಸಿದ್ದ ಸಂಸಾರದ ನೊಗವನ್ನು ಸಮಾಂತರ ರೇಷೆಯಲ್ಲಿ ಎಳೆಯುತ್ತಿದ್ದ ಸಹನ ಮೊನ್ನೆ ನನ್ನೆದುರು ಕಣ್ಣೀರು ಸುರಿಸಿದಾಗ ನನ್ನ ಎದೆ ದಸಕ್ಕೆ0ದಿತು .

ಅತ್ತೆಗೆ ಕೊಟ್ಟ ಬಿಸಿ ಸೂಪಿನಿಂದ ಅವಳ ನಾಲಗೆ ಸುಟ್ಟು ಹೋಯ್ತು . ಆದರೂ ಹೇಳಲಾರದಂತಹ ಅಸಹಾಯಕತೆ ಅವಳದ್ದು . ಆಗ ಅಲ್ಲಿಯೇ ಇದ್ದ ಯಾರಿಗೂ ಏನೂ ಗೊತ್ತಾಗಲಿಲ್ಲ . ಮರುದಿನ ತಿನ್ನಲು ನಿರಾಕರಿಸಿದಾಗ ವಿಷಯ ತಿಳಿಯಿತು ಸಿಟ್ಟಿನ ಭರದಲ್ಲಿ ಶಂಕರ್ ಮೂರ್ತಿ ಸೊಸೆಗೆ , ಏಕಾಗ್ರತೆಯಿಂದ ಕೆಲಸ ಮಾಡಿಲಿಕ್ಕಿಲ್ಲಾಂದ್ರೆ ಮನೆಯಿಂದ ತೊಲಗು ಎಂದರು.