ಸಾವು
ಸಾವು
ಸಾವೆಂದರೇನು ?
ದೇಹದ ಕೊನೆಯುಸಿರೆ
ಚೇತನದ ಅಚೇತನವೆ
ಸ್ಮೃತಿಯ ವಿಸ್ಮೃತಿಯೆ
ಅರಿವಿನ ಮರೆವೆ
ಭ್ರಮೆಯ ವಿಭ್ರಮೆಯೆ
ಆಸೆಗಳ ನಿರಾಸೆಯೆ
ಚಲನೆಯ ಜಡತ್ವವೆ
ಕನಸುಗಳ ಚಿರನಿದ್ರೆಯೆ
ಮರ್ತ್ಯ ಲೋಕದಿಂದ ದೇವಲೋಕದ
ಕಡೆಗೆ ಪಯಣವೆ
ಭವಸಾಗರದ ಬಿಡುಗಡೆಯೆ
ಅಥವಾ ಆತ್ಮದ ಮರು ಹುಟ್ಟೆ
ಓ ಸಾವೇ, ನಿನ್ನ ಒಳಾರ್ಥ
ಗೂಢಾರ್ಥಗಳೇನೇ ಇರಲಿ
ಕುಟುಂಬದ ಪಾಲಿಗೆ ಮಾತ್ರ
ನೀನೊಬ್ಬ ಸ್ವಾರ್ಥಿ, ಧೂರ್ತ
(ಕೋವಿಡ್ ಮಹಾಮಾರಿಗೆ ಬಲಿಯಾದ ಆತ್ಮೀಯರಿಗೆ ಸಮರ್ಪಣೆ)