ಭರವಸೆಯ ದಾರಿ
ಭರವಸೆಯ ದಾರಿ
ಕಾರ್ಮೋಡ ಕತ್ತಲೆಯ ನಡುವೆ
ಸಾಗಿದೆ ಪಯಣ ಒಂಟಿಯಾಗಿ
ಎಲ್ಲಿಹುದೋ ನಿನ್ನ ದಾರಿ
ಎಲ್ಲಿಹುದೋ ನಿನ್ನ ಗುರಿ
ತುಂಬಿಹುದು ದುಗುಡ ಕಂಗಳಲಿ
ನಡುಗುತಿಹುದು ತನು ಓಲಾಡಿ
ಹಾರಾಡುತಿಹುದು ಬಿಚ್ಚಿದಾ ಮುಡಿ
ಸ್ಥಿರವಿಲ್ಲದಾ ಹೆಜ್ಜೆಯಿಂ ತಪ್ಪಿತೇ ದಾರಿ
ಮೂರು ದಿನದಾ ಈ ಬದುಕು
ನಮ್ಮದಲ್ಲ ನೀ ಬಿಟ್ಟು ಬಿಡು
ನೋವಿಗೆ ಕುಗ್ಗದೇ ನೀನಿರು
ನಲಿವಿಗೆ ಹಿಗ್ಗದೇ ಸ್ಥಿರವಾಗಿರು
ಕಲ್ಲು ಮುಳ್ಳುಗಳಾ ಹಾದಿಯಿಂ
ಸುಮ ಪುಷ್ಪದಿ ಕಾಣು
ಸಮಚಿತ್ತದಿಂದಿರಲು ನೀಂ
ಕಾಂಬುದು ಗುರಿ ನೋಡು
ನಿಶ್ಚಯವಾಗಿಹುದು ನಿನ್ನ ಗುರಿ
ನಿಶ್ಚಯವಾಗಿಹುದು ನಿನ್ನ ದಾರಿ
ಇದು ಬಲ್ಲವನು ಆ ಹರಿ
ಅದ ನಂಬಿ ಎಂದೆಂದು ನೀ
ಸವೆಸು ಭರವಸೆಯ ದಾರಿ