ಪ್ರೀತಿ ಇಲ್ಲದ ಮೇಲೆ

ಮನುಜ ಮನುಜನ ನಡುವೆ

ಅನುಬಂಧದ ಬಂಧನಕ್ಕೆ

ಇರಬೇಕು ಪ್ರೀತಿ ಎಂದೆಂದೂ

ಸಂಸಾರದ ಸುಗಮ ಗಮನಕ್ಕೆ

ಸಾಮರಸ್ಯದ ಸಾಮಗಾನಕ್ಕೆ

ಬದುಕಿಗೆ ಬೇಕು ಪ್ರೀತಿ ಎಂದೆಂದೂ

ಅಪ್ಪನಾ ವಾತ್ಸಲ್ಯ ಅಮ್ಮನಾ ಪ್ರೀತಿ

ಸೋದರ ಸೋದರಿಯರ ಒಲುಮೆ

ಹಸಿರಾಗಿರಬೇಕು ಪ್ರೀತಿ ಎಂದೆಂದೂ 

ಪತಿ ಪತ್ನಿಯರ ಹೃದಯಾನುಬಂಧಕ್ಕೆ

ಮೃದು ಮಧುರ ಭಾವ ಬಂಧನಕ್ಕೆ

ಬತ್ತದಂತಹ ಪ್ರೀತಿ ಬೇಕು ಎಂದೆಂದೂ

ಪ್ರೀತಿ ಇಲ್ಲದಾ ಮೇಲೆ ಬದುಕು ಬರಡು

ಪ್ರೀತಿ ವಾತ್ಸಲ್ಯಗಳು ಬದುಕಿಗೆ ಉಸಿರು

ಸಾಮರಸ್ಯದ ಪ್ರೀತಿ ಬೇಕು ಎಂದೆಂದೂ