ಒಪ್ಪಿಕೊ ಈ ಸತ್ಯವ
ಒಪ್ಪಿಕೊ ಈ ಸತ್ಯವ
ನೀ ಕಾಯಲಾರೆ ಎಂದೆಂದೂ
ಎದುರುಗೊಳ್ಳಲು ಮರಣವ
ವಾಸ್ತವವನ್ನೇ ನಂಬುವ ನೀ
ಸೂರ್ಯ ಚಂದ್ರರಷ್ಟೇ ಸತ್ಯವಾದ
ಮರಣವನ್ನೇಕೆ ನಂಬಲೊಲ್ಲೆ
ಆ ಸತ್ಯವನ್ನು ಮರೆಮಾಡಲು ಬಯಸುವೆಯಾ?
ಇಂದಲ್ಲಾ ನಾಳೆ
ಮರಣವನ್ನಪ್ಪಲೇ ಬೇಕಲ್ಲವೇ?
ಜೀವನದಲ್ಲಿ ಹುಟ್ಟು ಅನಿಶ್ಚಿತ ತಾನೇ?
ಮರಣವೊಂದೇ ನಿಶ್ಚಿತವಲ್ಲವೇ?
ಇಂದೊ ಮುಂದೊ ಒಟ್ಟಿನಲ್ಲಿ
ಹೋಗಲೆ ಬೇಕಲ್ಲ ಒಂದು ದಿನ
ಸರಿ, ಹೆಚ್ಚು ಮಾತಾಡದೆ
ಒಪ್ಪಿಕೊ ಈ ಸತ್ಯವ
ಇರುವಷ್ಟು ದಿನ ಒಳ್ಳೆ ಕೆಲಸ ಮಾಡು ಮಾನವ