*ನೀನಿರಲು ಜೊತೆಯಲ್ಲಿ*

ನೀನಿರಲು ಜೊತೆಯಲ್ಲಿ 

ಕನಸುಗಳೇ ತುಂಬಿರಲು

ಕಣ್ಣಿಂದ ಜಾರುವ ಹನಿಗೆ

ಹೊರಬರಲು ಜಾಗವುಂಟೆ?

ನೀನಿರಲು ಜೊತೆಯಲ್ಲಿ

ಮನಸಿನ ತುಂಬೆಲ್ಲಾ 

ಸಿಹಿ ಜೇನು ತುಂಬಿರಲು

ಕಹಿ ನೆನಪಿಗೆ ಉಳಿವುಂಟೇ ?

ನೀನಿರಲು ಜೊತೆಯಲ್ಲಿ

ತಂಪಾದ ಗಾಳಿ ಬೀಸುತಿರಲು 

ಸುಟ್ಟು ಹಾಕಲು ನನ್ನನ್ನು 

ಬಿಸಿಲಿಗೆ ಉಸಿರುಂಟೇ?

ನೀನಿರಲು ಜೊತೆಯಲ್ಲಿ

ಪ್ರತಿದಿನ ನಗು ತುಂಬಿರಲು 

ಒಳಗೆ ಅವಿತುಕೊಂಡಿರುವ 

ನೋವಿಗೆ ನೆಲೆಯುಂಟೇ?

ನೀನಿರಲು ಜೊತೆಯಲ್ಲಿ

ಅನುದಿನವೂ ಬಾಳಲ್ಲಿ

ಪ್ರೀತಿ ವಾತ್ಸಲ್ಯ ತುಂಬಿರಲು

ಮೃತ್ಯುವಿನ ಸುಳಿಯುಂಟೇ?