Click here to enter the darkness of a criminal mind. Use Coupon Code "GMSM100" & get Rs.100 OFF
Click here to enter the darkness of a criminal mind. Use Coupon Code "GMSM100" & get Rs.100 OFF

Thrineshwara Mysore

Inspirational Others


3  

Thrineshwara Mysore

Inspirational Others


"ನಾವೇಕೆ ಹೀಗೆ ಬದುಕುತಲಿಹೆವು?"

"ನಾವೇಕೆ ಹೀಗೆ ಬದುಕುತಲಿಹೆವು?"

1 min 377 1 min 377

ಮಣ್ಣಿನೊಳಗೆ ಒಮ್ಮೆಗೆ ಒಗೆದಿಟ್ಟ ವಿಭಿನ್ನ ಬೀಜಗಳು 

ಒಳಗಣ ಅಂಧಕಾರದಲ್ಲಿ ಮೊಳಕೆಯೊಡೆವವು ಜೊತೆಯಾಗಿ, 

ಮಣ್ಣ ಭೇದಿಸಿಕೊಂಡು ಹೊರ ಪ್ರಪಂಚವ ಕಾಣುತ್ತಲೇ 

ತಮ್ಮ ವಿಭಿನ್ನ ಗುರುತುಗಳನ್ನ ಮರೆತಂತೆ ಬೆಳೆವವು ಗಿಡವಾಗಿ;


ವಿಭಿನ್ನ ಜಾತಿ ಹೂ ಗಿಡಗಳು ಬೆಳೆಯುತಿಹವು ನೆರೆಯವರಂತೆ 

ಯಾರೊಬ್ಬರನು ಇಷ್ಟಪಟ್ಟರೂ ಪಡಲಾರವು ಅಸೂಯೆಯ 

ತಾವಾಗಿಯೇ ಬೆಳೆವವು ಒಬ್ಬರ ಮೇಲೊಬ್ಬರು ಅವಲಂಬಿಸದೆ 

ಸೂಸುತ ಅರ್ಪಣಾ ಭಾವದಿಂದೊಪ್ಪುವ ಸುಮಧುರ ಸೌಂದರ್ಯ;


ವಿಭಿನ್ನ ಜಾತಿ ಮುದ್ದು ಪ್ರಾಣಿಗಳು ಒಂದೆಡೆ ಇರಬಲ್ಲವು ಸಂತಸದಿ

ತಮ್ಮೊಡೆಯನು ಪೋಷಿಸುತ್ತಿರಲು ಅನುದಿನವೂ ಅಕ್ಕರೆಯಿಂದ;

ಪಡಲಾರವು ಎಂದಿಗೂ ಅಸೂಯೆ, ಇರಲಾರದು ಭಯ ಅವರೊಳಗೆ

ಬದುಕುತಾ ಸಾಗುವವು ಬಾಹ್ಯ ವಿಭಿನ್ನತೆಯ ಅರಿವಿಲ್ಲದಂತೆ;


ನಾವೇಕೆ ಹೀಗೆ ಬದುಕಲೂ ಆಗದಂತೆ, ಅಳಿಯಲೂ ಆಗದಂತೆ,

ಅನ್ಯರ ಮೇಲೆ ಅವಲಂಬಿತರಾಗಿ ಕಂಡೂ ಕಾಣದಂತೆ ಇರಲಾಗದೆ,

ವಿಭಿನ್ನತೆಗಳ ಹುಟ್ಟುಹಾಕಿ, ಅವುಗಳಲ್ಲೇ ಒಲುಮೆ ಹಿರಿಮೆ ತೋರಿ, 

ತಾರತಮ್ಯದಿ ನಮ್ಮೊಳಗೇ ಒಡಕು ಘರ್ಷಣೆಗಳಿಂದ ಬದುಕುತಲಿಹೆವು? 

 


Rate this content
Log in

More kannada poem from Thrineshwara Mysore

Similar kannada poem from Inspirational