STORYMIRROR

Prabhakar Tamragouri

Inspirational

2  

Prabhakar Tamragouri

Inspirational

ಮನಸು ತುಂಬಿಕೊಂಡರೆ.....

ಮನಸು ತುಂಬಿಕೊಂಡರೆ.....

1 min
139

ಗೋಡೆಗಳ ಒಳಗೆ

ಗೋಡೆಗಳಾಚೆ ಹೊರಗೆ

ಕೈ, ಕಣ್ಣುಗಳಿಗೆ


ತೆರೆದು ಬಿದ್ದಿದೆ

ಬಯಲು ಆಗಸ!

ಎಷ್ಟೊಂದು ಪದಗಳು ಒಳ ಹೊರಗೆ

ತುಂಬಿಕೊಳ್ಳಲು ಮನಸು


ಕೈಗೆಟುಕುವುದು ಕಂಗಳಿಗೆ ಬೇಡ

ಕಣ್ಣುಗಳಿಗೆ ಕಂಡಿದ್ದು

ಕೈಗೆ ನಿಲುಕದು

ಅತ್ತಿತ್ತ ಹುಡುಕುವ

ಕೈ ಕಣ್ಣುಗಳಿಗೆ

ಹೃದಯ ಕದ ತೆರೆಯದು

ಅದರ ಬಡಿತವೇ ಬೇರೆ!


ಬಳ್ಳಿ ಬಾಡದಹಾಗೆ ನೋಡಿಕೊಳ್ಳುವ

ಲಯದ ಬಾಳೊಮ್ಮೆ

ಭಾವದ ಆಘಾತಕ್ಕೆ

ಲಯ ತಪ್ಪಿಸಿ ನಿಂತರೆ....

ಬಳ್ಳಿ ಬೇರು ಕಿತ್ತಂತೆ!

ಹಾಗಾಗದಂತೆ,


ಕಂಗಳು ಹೊರಡುವ ವೇಗದೊಂದಿಗೆ

ಕೈ ಸ್ಪರ್ಧೆಗಿಳಿಯದೆ

ಅಡಗಿರುವ ಮನಸಿನ ಓಟಕ್ಕೂ

ಕೈ ಜೋಡಿಸದೆ ಇದ್ದು

ಮನಸು ತುಂಬಿಕೊಂಡರೆ

ಉದ್ದಾಗದಿದ್ದರೂ ಕೈ, ಕಾಲು

ರೆಕ್ಕೆ ಮೂಡಿ ನನಸಾಗುವುದು

ಕನಸು ಪುಟ್ಟ ಗೂಡೊಳಗೇ..! 


ಈ ವಿಷಯವನ್ನು ರೇಟ್ ಮಾಡಿ
ಲಾಗ್ ಇನ್ ಮಾಡಿ

Similar kannada poem from Inspirational