ಮನದ ಮಾತು
ಮನದ ಮಾತು
ಬಾಲ್ಯದ ಸಹಜ ಸುಖಕಾಣದೆ
ತಾರುಣ್ಯದ ಆಸೆಗಳ ಹೇಳಲಾಗದೆ
ದೊಡ್ಡವರ ಮಾತು ಮೀರಲಾಗದೆ
ನಮ್ಮ ಮನೆ ಸೇರಿದ್ದು ತಿಳಿದಿದೆ
ಸುಖವಾಗಿರಲೆನ್ನುವಾಸೆ ಎನ್ನದಾದರೂ
ಕಷ್ಟದ ನೆನೆಪುಗಳೇ ನಿಮ್ಮನ್ನ ಕಾಡಿತ್ತು
ಸಂಸಾರದ ಹೊರೆ ಮಕ್ಕಳ ಪೋಷಣ
ನಾದಿನಿ ಮದುವೆ ಎಲ್ಲವೂ ನಿಮ್ಮದಾಯ್ತು
ಹೊಗಳುವಂತೆ ಎಲ್ಲವ ನಿಭಾಯಿಸಿ
ಸುಖದ ದಿನಗಳು ಕಾಣುವಾಗ
ಬಾರದ ಲೋಕಕ್ಕೆ ಹೊರಟು ಬಿಟ್ಟಿರಿ
ಬರೀ ನೆನೆಪುಗಳೇ ನೀವಿಲ್ಲದಾಗ
ಅನ್ಯರ ಅರಿವಿಗೆ ಬಾರದoತೆ
ಕಷ್ಟಗಳ ದಿನಗಳ ಕಳೆದಿರಿ
ಮಕ್ಕಳು ಮೊಮ್ಮಕ್ಕಳ ಎದುರು
ನೋವ ಮರೆವುದ ಕಲಿತಿರಿ
ಒಂದಿಲ್ಲೊಂದು ಅನಾರೋಗ್ಯ
ಕಾಡಿದಾಗ ನೀವು ಎದೆಗುಂದಲಿಲ್ಲ
ನಿತ್ರಾಣವಾಗಿ ಸಹಾಯ ಪಡೆವಾಗ
ಕಣ್ಣೀರ ಹರಿಸಿ ಮೌನವಾದಿರಲ್ಲ
ನರಕದ ಕದ ತಟ್ಟಿ ಬಂದಿರುವೆ
ಸ್ವಲ್ಪ ಸಮಯಕೊಡಿ ಎಂದಾಗ
ಮನನೊಂದು ಮಾತನಾಡಲಿಲ್ಲ
ಅದೇ ನಿಜವಾಗಿ ನೊಂದೆ ನಾನಾಗ