ಬದುಕಿನ ಪಯಣ

ಹಸುಗೂಸಾಗಿ ಹುಟ್ಟಿ ಜಗಕೆ ಕಾಲಿಟ್ಟೆ

ಹಸಿದಾಗ ಹಾಲುಣಿಸಿದವರ ಮಮತೆಯ ಕಂಡೆ

ಅತ್ತಾಗ ಲಾಲಿ ಹಾಡಿ ಮಲಗಿಸಿದರು

ನಕ್ಕಾಗ ಸುತ್ತಲಿದ್ದವರು ನಕ್ಕರು

ಹಲ್ಲಿಲ್ಲದ ಬೊಚ್ಚು ಬಾಯಿಯಲೆ ನಕ್ಕೆ

ಮಾತನಾಡಲು ಬರದೆ ತೊದಲಿದೆ

ನಡೆಯಲು ಬಾರದೆ ಅಂಬೆಗಾಲಿಟ್ಟೆ

ಬಿದ್ದಾಗ ಎತ್ತಿ ಮುತ್ತನಿಟ್ಟು ಮುದ್ದಿಸಿದರು

ಬೆಳೆದೆ ಅಕ್ಕರೆಯ ಮಮತೆಯ ಕಡಲೊಳಗೆ

ಬೆರೆತೆ ಜಗದೊಳು ಪ್ರೇಮದ ಹಣತೆಯ ಹಚ್ಚಿದೆ

ವಯಸು ಕುದರೆಯನೇರಿ ಹೊರಟೇ ಬಿಟ್ಟಿತು

ಕೊನೆಗೆ ನಿಂತಿತು ಮುಪ್ಪಿನ ಹಾದಿಯೊಳಗೆ

ಈಗಲೂ ಬೊಚ್ಚು ಬಾಯಿಯೇ..!!

ಮಗು ಎನ್ನದೆ ಮುದುಕ ಎನ್ನುತ್ತಾರೆ

ನಡೆಯಲಾಗದೆ ಮೈ ಕೈ ಸೋಲುತ್ತಿದೆ

ಬಿದ್ದಾಗ ಎತ್ತಿ ಸಂತೈಸುವ ಕೈಗಳು ಕಾಣದಾಗಿದೆ

ಮುಪ್ಪು ಆವರಿಸಿದರು ಮನಸು ಮಗುವೆ

ಮಮತೆಯ ಒಡಲೊಂದು ಬೇಕಾಗಿದೆ

ಸಪ್ಪೆ ಬದುಕಿಗೆ ಸಾಂತ್ವನದ ನೆರಳು ಬೇಕಿದೆ

ಮಣ್ಣಾಗುವ ಮುನ್ನ ಜಗವ ಅರಿಯಬೇಕಿದೆ.