ಬಾಪೂಜಿಯ ನೆನೆಯೋಣ
ಬಾಪೂಜಿಯ ನೆನೆಯೋಣ
ನಮ್ಮ ದೇಶಕೆ ಸ್ವಾತಂತ್ರ್ಯ ದೊರಕಿಸಿಕೊಟ್ಟ
ಹೆಮ್ಮೆಯ ಬಾಪೂಜಿಯ ನೆನೆಯೋಣ ಬನ್ನಿ
ಬ್ರಿಟಿಷರ ಕೈಯಿಂದ ನಮಗೆ
ಮುಕ್ತಿ ಕೊಡಿಸಿದ ಮಹಾನ್ ಚೇತನವ
ನೆನೆಯೋಣ ಬನ್ನಿ
ಅಹಿಂಸಾ ಮಾರ್ಗದಿಂದಲೇ
ಛಲ ಬಿಡದೆ ಹೋರಾಡುತಲಿ
ಉಪ್ಪಿನ ಸತ್ಯಾಗ್ರಹವನು ಮಾಡಿ
ಸ್ವಾತಂತ್ರ್ಯ ದೊರಕಿಸಿಕೊಟ್ಟ
ಬಾಪೂಜಿಯ ನೆನೆಯೋಣ ಬನ್ನಿ
ಬ್ರಿಟಿಷರೆ ಭಾರತ ಬಿಟ್ಟು
ತೊಲಗಿ ಎನ್ನುತ ಜಗ್ಗದೆ
ಮುನ್ನುಗ್ಗಿ ಶಾಂತಿಯ ಮಾರ್ಗದಿ
ಸ್ವಾತಂತ್ರ್ಯದ ಹಾದಿಯ ಸುಗಮಗೊಳಿಸಿದ
ಮಹಾನ್ ವ್ಯಕ್ತಿಯ ನೆನೆಯೋಣ ಬನ್ನಿ
ಮಾಡು ಇಲ್ಲವೆ ಮಡಿ ಎನ್ನುತ
ತಮ್ಮ ಇಳಿ ವಯಸಿನಲು ಹೋರಾಡುತ
ಚರಕವ ಹಿಡಿದು ನ್ಯಾಯದ ಹಾದಿಯಲಿ ನಡೆಯುತ
ದೇಶಕ್ಕಾಗಿ ತಮ್ಮ ಪ್ರಾಣವನೆ ಅರ್ಪಿಸಿದ
ಮಹಾನ್ ಸ್ವಾತಂತ್ರ್ಯ ಹೋರಾಟಗಾರ
ಬಾಪೂಜಿಯ ನೆನೆಯೋಣ ಬನ್ನಿ
ಪ್ರತಿ ಸ್ವಾತಂತ್ರ್ಯ ದ ಉತ್ಸವವು
ಗಾಂಧೀಜಿಯವರ ಮಹಾನ್ ಕೊಡುಗೆಯು
ನೆನೆಯೋಣ ಬನ್ನಿ ಪ್ರತಿ ನಿತ್ಯವು
ನೆನೆಯೋಣ ಬನ್ನಿ.