ಕಡಲ ಒಡಲು
ಕಡಲ ಒಡಲು
ಸೂರ್ಯರಶ್ಮಿ ವರ್ಣದೊಡಲು ಕಡಲ ಅಲೆಯ ಚಿತ್ರದೊಡಲು |
ಸಾಗರದ ಹಾದಿಯಲ್ಲಿ
ಸಣ್ಣದೊಂದು ಚುಕ್ಕಿ ಹರವು ||
ಬರಿದು ಚುಕ್ಕಿಯಲ್ಲವದು
ಭರವಸೆಯ ಬದುಕ ದೋಣಿ |
ಒಡಲುಗಳ ತುಂಬಲು
ದೊಡ್ಡದಾದ ಬಲೆಯ ಹರವು ||
ರೆಪ್ಪೆ ಮುಚ್ಚದಂಥ ದೃಷ್ಠಿ
ಕಾಯುತ್ತಿವೆ ನಿರೀಕ್ಷೆಯೊಡಲು |
ಚಿಂದಿ ಬಟ್ಟೆಯುಟ್ಟು ನಿಂತ
ಮಡದಿ ಮಕ್ಕಳೊಲವ ಕಡಲು ||
ದೂರದೋಣಿಯೊಳಗೆ ಆತ
ಕಪ್ಪು ಮೈಯ ಜೀತ ದೇಹ |
ದೋಣಿಯಂತೇ ತೇಲಬೇಕು ಅಲೆಗಳಾಗೇ ಕುಣಿಯಬೇಕು ||
ಕಡಲದೋಣಿ ತುಂಬಬೇಕು
ಬೆವರ ಮೈ ಹೊಳೆಯಬೇಕು |
ಹರಕು ಚಿಂದಿ ತೊಟ್ಟ ಆಕೆ
ಹೊಟ್ಟೆ ತುಂಬಾ ತಿನ್ನಬೇಕು
ಎಲ್ಲರಂತೆ ಬದುಕಬೇಕು ||