ಹೊಸ ಸಂಕಲ್ಪ

ಜನವರಿಯಿಂದ ಡಿಸೆಂಬರ್ 

ದಿನಚರಿಯ ಪುಟಗಳು

ಸರಸರನೆ ಹಾರಿಹೋದವು 

ಮತ್ತೊಂದು ಹೊಸ ಪುಟ

ಗೋಡೆಯ‌ನಲಂಕರಿಸಿತು

ಅದೇ ಭೂಮಿ ಅದೇ ಗಾಳಿ

ಅದೇ ನೆಲ ಅದೇ ಜಲ 

ಬದಲಾಗಲಿಲ್ಲ ಪ್ರಕೃತಿ

ಬದಲಾಗುತಿಹುದು  

ಮಾನವನ ಬದುಕು

ವರುಷ ವರುಷಕೂ

ದ್ವೇಷ ದುರಾಸೆ ಲಾಲಸೆ

ಸ್ವಾರ್ಥವು ಮೇಲೇರಿ

ಪ್ರೀತಿ ವಿಶ್ವಾಸ ಸ್ನೇಹ

ಮಾನವೀಯತೆ ಗಳು

ಮರೆಯಾಗಿ ಹೋಗಿ

ನಾವೆಂಬ ಭಾವವಳಿದು

ನಾನೆಂಬ ಅಹಮಿಕೆಯ

ರುದ್ರ ತಾಂಡವ ಎಲ್ಲೆಡೆ

ಹೊಸ ವರುಷದಲಿ

ಹೊಸ ಸಂಕಲ್ಪ ಮಾಡೋಣ 

ನಾನೆಂಬ ಸ್ವಾರ್ಥ ಮರೆತು

ನಾವೆಂಬ ವಿಶ್ವ ಪ್ರೇಮವನು

ಬೆಳೆಸುತ ಬೆಳೆಯೋಣ