ಗುಹಾಂತರ್ಗತ.
ಗುಹಾಂತರ್ಗತ.
ದೇವನೆಲ್ಲಿಹನೆಂದು ಹುಡುಹುಡುಕಿ
ಮಿಡುಕಾಡಿ ಬಳಲಿ ಬೆಂಡಾದರು ಹಲವರು.
ಕಾಡು ಗಿರಿಶಿಖರವೇರಿ ನಿರಾಶರಾದರು ಕೆಲವರು.
ಸಾಕ್ಷಾತ್ತಾಗಿ ಅವನ ಕಂಡವರೆಷ್ಟೋ
ಕಾಣದಂತಿಹರೆಷ್ಟೋ ಅರಿಯೆ.
ಆದರೆ ಅಜಂತಾ,ಎಲ್ಲೋರಾ,ಐಹೊಳೆ,
ಬಾದಾಮಿ, ಪಟ್ಟದಕಲ್ ಗಳಲಿ
ಕುಂಚದಲಿ,ಶಿಲ್ಪದಲಿ,ವೈವಿದ್ಯ ಮೂರ್ತಿಗಳು
ಸೊಬಗಿನಲಿ ಮೈದಳೆದು ಸಾಕ್ಷಾತ್ಕರಿಸಿಹರು
ಕಲಾವಿದರು.ಕಲ್ಪನೆಯೆಲ್ಲಾ ನೈಜವಾಗಿ
ರೂಪುಗೊಂಡಿಹ ಈ ಪ್ರಾಚೀನ ಕಲಾ ಪ್ರಕಾರವು ಸರ್ವ
ದರ್ಶನೀಯ ಆದರ್ಶನೀಯವು.