दङी बल्लो।

बल्लो लेने हाथ में,

खेले दड़ी उँ खेल।

न्हाके दड़ी घुमाए ने,

ज्यूं सरपट आती रेल।

मारे जोर लगाए ने,

अर दौड़े रेलमपेल।

लपके दड़ी दबाए ने,

झेल रे भाया झेल।

कूदे झपटे ज्यूं चीतो,

अर लहरावे ज्यूं बेल।

पूगे पाले मांयने,

दे पाले में बल्लो मेल।

फेकड़णियो फेकणने पाछी,

यूं दड़ी ने लेवे झेल।

सामी बल्लो हाथ में,

बल्लेबाज रो खेल।

आंकड़ा रो खेल है,

ओ दड़ी बल्ले रो मेळ।

बल्लो लेने हाथ में,

खेले दड़ी उँ खेल।