કિશન ક્યાં ગયો? (4)

ઈ.મિહિર તુરંત સીધો બેસી ગયો ફોન કાને લગાવતા વાત કરી "હા.. સાહેબ ઓકે સાહેબ.. થઇ જશે સાહેબ.. વાંધો નહિ સાહેબ...હાજી' સામેથી ફોન કટ થયો.. ઈ.મિહિરે મૂછમાં મલકાતા પાંડુરંગ તરફ જોયું અને કહ્યું "શું થયું? આપણાથી ઉપરી સાથે આમ વાત થાય સમજ્યો?" મારા પાસેથી સંસ્કાર શીખ જરા.. ચાલ ગાડી કાઢ.. વિશાલગઢ ગામમાં જવાનું છે. ત્યાં એક જણ ચાર દિવસથી ગાયબ છે. એના ઘરવાળાઓએ કાગારોળ કરી દીધી છે. છેક ઉપરના નેતાઓ સુધી ફરિયાદ મોકલી છે. મોટા સાહેબે મને કેસ આપ્યો છે. તુરંત ગાડી કાઢ, જલ્દી કર.. આમ મારૂ મોઢું ન જો.. હરી અપ.....