યુવાની

કાંકરિયાની પાળે લવ લવ કરતી યુવાની,

તાલ તૂટે તો એજ પાળેથી ઝંપલાવતી યુવાની.

ફરે હાથમાં નાખી હાથ ને વિશ્વાસ બે આનાનો,

લાલ લુગડું જોયુ કે તરત આંખ ભટકાવતી યુવાની.

મારે સીટી અને જો ઉતરી જાય સેંડલ,

તરત બેન કહી સંબંધ બદલાવતી યુવાની.

ઘરમાં હાંડલી કરે કુસ્તી, બેટ્ટો બાઇકે ફીલ્ડીંગ ભરે,

જાહોજલાલીમા એક્ટીવાને ધક્કો મરાવતી યુવાની.

વળાંકમા વળે ઢાળમાં ઢળે ને ચડાવમાં પડે,

ખુમારી કેવી ? લાફાએ ગાલ લાલ રખાવતી યુવાની.

બનશે ક્યાંથી ઇતિહાસ હવે જગતમાં,

આવીને આવી પ્રેમ કહાની લખાવતી યુવાની.