વર્ષારાણી
વર્ષારાણી
1 min
244
વર્ષારાણી હવે તો વરસ ઓ ઘેલી,
આમ તો નથી દૂર અમારીયે ડેલી!
મૃગજળ સઘળું ભાસે છે ચારેકોર,
કોરી કોરી ધરતી તૃષા કરે કલશોર.
તું તો કહેવાતી રે ચાતકની સહેલી,
વર્ષારાણી હવે તો વરસ ઓ ઘેલી!
કોયલ તણાં ગુંજન તુજને દેે સાદ,
પ્રેમી પંખીડાના મનમાં ઊઠે વિષાદ.
કાળી વાદળી કોરે તું શીદ છૂપેલી?
વર્ષારાણી હવે તો વરસ ઓ ઘેલી!
પવન કેરી લહેરે જાગે મીઠી આશ,
અમી છાંટણા ના સ્પર્શે થાય હાશ.
તુજને સૌ એ જીવનદાત્રી માનેલી,
વર્ષારાણી હવે તો વરસ ઓ ઘેલી!
આમ તો નથી દૂર અમારીયે ડેલી,
વર્ષારાણી હવે તો વરસ ઓ ઘેલી!