વરસાદને વચમાં લાવશો નહિ
વરસાદને વચમાં લાવશો નહિ
વરસાદને વચમાં લાવશો નહિ
ખોટા બહાનાઓ કાઢશો નહિ
ઇચ્છા પલળવાની હોય તમને
કોરા રહેવાનું વિચારશો નહિ
જાણું છું ટેવો જૂની તમારી
કરશો ગમે તે પણ ફાવશો નહિ
સઘળુંં તમારૂં આ છે કહીને
અમને કદી આમ ફસાવશો નહિ
અમને ખબર છે , નફરત કરો છો
ચુંબન કરી પ્રેમ જતાવશો નહિ
આજે અમે જઇશું દૂર તમથી
'સોરી' કહી અમને મનાવશો નહિ
છેલ્લી સલામ તમોને છે 'જશ' આ
અમને કહી એવું , બનાવશો નહિ