વરસાદ

એક એ વરસાદ હતો જેમાં,

અમે ભીંજાઇ જતા હતા.

એક આ વરસાદ છે જેમાં,

 યાદો જ ભીંજાય છે.

એક એ સાવન હતો જેમાં,

 નીતરતા હતા અંગે અંગ.

એક આ સાવન છે જ્યાં,

પલળીને કોરા રહી જવાય છે.

એક એ વર્ષા હતી જેનો,

 હતો એક અલ્હાદક સ્પર્શ.

એક આ વર્ષા છે જેના,

ઝાપટા અસહ્ય થઈ જાય છે.

એક એ વીજળી હતી જેની,

 રોશની હતી મનમોહક.

એક આ વીજળી છે જેના,

કડાકા દિલ દુભાવી જાય છે.

એક એ હવા હતી જેનો,

લાગતો ઠંડો મીઠો સ્પર્શ.

એક આ હવા છે જે,

ફફડાટ ફેલાવી જાય છે.

એ પણ વરસાદની મોસમ હતી,

આ પણ છે એ જ મોસમ.

સમય જેમ જેમ બદલાય છે,

 ઋતુ પણ બદલાઈ જાય છે.