વિયોગ

તમારા વિયોગમાં ન જાણે કેવા હાલ થયા,

કોઈક તો મર્યા ને જીવ્યા એ બેહાલ થયા.

મન મારું કરમાય એ સમજાય એવી વાત છે,

ફુલોના કરમાવાથી બગીચામાં બબાલ થયા.

મન મારું મૂરઝાય તારા વિના એ માની લીધું,

દિવાના બુઝાવાથી ઉજાસ ચિંથરેહાલ થયા.

તમારા વિયોગમાં અમે તો લૂંટાવી બેઠા સર્વસ્વ,

તમારી ખબર નહીં તમે કેટલાં માલામાલ થયાં !

તમારી હાલતનો જવાબ આવશે એની ખબર નથી,

અહીં અમારી હાલત પર રોજ નવા સવાલ થયા !