વિધવા ભાગ-35 પિયુ-પ્રિયા ગીત-4
વિધવા ભાગ-35 પિયુ-પ્રિયા ગીત-4
મારા પિયુજી પાતળિયા રે,
હા, મનડાં મારાં મોહે છે !
એની અણિયારી આંખ, એની વાંકલડી મૂછ;
મુખ પર કેવી સોહે છે... હા, મનડાં...
મારી ગોરાંદે નટખટી રે,
હા, મનડાં મારાં મોહે છે !
એની લટકાતી કેડ, એની પાતલડી કેડ;
લચ લચ લચકોડે છે... હા, મનડાં...
મારા પિયુજી કારણિયે રે,
હા, ગીતડાં મારે ગાવાં છે !
ઢોલના તાલમાં ને શરણાઈના સૂરમાં;
સૌનાં મુખ મલકાવાં છે... હા, ગીતડાં...
મારી ગોરાંદે ગેલ કરે રે,
હા, રૂપડું એનું જોવું છે !
જાણે ખીલેલું ફૂલ, ચંદ્ર ચડયો છે ચગડોળ;
એને જોઈ ભાન ખોવું છે... હા, રૂપડું...
મારા પિયુજી છે હઠીલા રે,
હા, હઠળા કેવા કરે છે !
એતો મારા છે દેવ, રૂડું કરું એનું પૂજન;
આનંદના હોજ ભરે છે... હા, હઠળા...
મારી ગોરાંદેની તુલના રે, હા, ચંદ્ર સાથે ખોટી થાય છે !
ચંદ્ર છે કલંકિત, એમાં કલંકનો ડાઘ;
નાનો-મોટો થતો જાય છે... હા, ચંદ્ર સાથે..