વિચારનું મંથન
વિચારનું મંથન
મસ્તિષ્કમાંથી બહાર, નીકળવા મથે વિચાર,
નવો સજવા શૃંગાર, નીકળવા મથે વિચાર.
કાળ કોટડીમાં પૂરાયેલો ગયો હતો મૂંઝાય,
બની જવા છટાદાર, નીકળવા મથે વિચાર.
મગજરૂપી ગોખલામાં લાગી એને સંકડાશ,
જુદો પામવા આકાર, નીકળવા મથે વિચાર.
દુનિયા આગળ દોડે, તો કેમ રાખવી ધીરજ,
થઈ જવા હારોહાર, નીકળવા મથે વિચાર.
‘સાગર’ દુનિયાદારીના ભાનમાં રહેવા કાજ,
ઉમંગ લઈ અપાર, નીકળવા મથે વિચાર.