કિંમત

ખેડૂતો પરસેવો પાડી,

ખેતી કરીને ધાન ઊગાડે,

અને ધાનનાં ઢગલા થાય,

તો ય ખેડૂત બિચારો રહે,

અને વેપારીઓ તવંગર થાય,

આમાં પરસેવાની કિંમત ક્યાં અંકાય?

મજૂર પરસેવો પાડી,

મજૂરી કરી માલ બનાવે,

અને માલના બોક્સ ભરાય,

તો ય મજૂરો બિચારા રહે,

અને માલિકો ધનવાન થાય,

આમાં પરસેવાની કિંમત ક્યાં અંકાય?

દાડિયાઓ પરસેવો પાડી,

ઊંચી ઊંચી બિલ્ડિંગો બનાવે,

અને બિલ્ડીંગોના ખડકલા થાય,

તો ય દાડિયાઓ બિચારા રહે,

અને બિલ્ડરોને કમાણી થાય,

આમાં પરસેવાની કિંમત ક્યાં અંકાય?

થાય જો પરસેવાની કિંમત સાચી,

તો બિચારો બળવાન થાય,

અને મારો ભારત દેશ,

રામરાજ્યમાં ફેરવાઈ જાય.