લાઈબ્રેરી
પ્રોફાઈલ
વાલમ આજ ઘેર પધારશે
વાલમ આજ ઘેર પધારશે
1 min
172
વાલમ મારો ગયો પરદેશ
બેઠી ઝરુખે જોઉં જોને વાટ
વાલમ આજ ઘેર પધારશે
સૂની શેરીઓમાં ગૂજે ભણકારા્
ધીમો ધીમો પગરવ સંભળાય
વાલમ આજ ઘેર પધારશે
આજ આનંદની હેલી, અમ આંગણે
આંગણા લીપાવ્યા, સાથીયા પુરાવ્યા
વાલમ આજ ઘેર પધારશે
ભાતભાતની રંગોળી સજાવી
શેરીએ શેરીએ સાદ પડાવ્યા
વાલમ આજ ઘેર પધારશે
વગડાવી ઢોલ ને શરણાઇ
સોળે શણગાર સજી ચડી ઝરુખે
વાલમ આજ ઘેર પધારશે
વાલમ મારા આવતા દેખાય
ધોડલાના ડાબલા, ધરતી ધ્રુજાવે જોને
વાલમ આજ ઘેર પધારશે
ડમરીઓની ઉડે છે છોળ
અદકેરું કરશું આજે, સ્વાગત તમારુ
વાલમ આજ ઘેર પધારશે
