વલોણું ગાજે ને લાલો રે જાગે

 વલોણું ગાજે ને લાલો રે જાગે

 મારો લાલો આવી ને મારી મટુકી ઝાલે,

 મટુકી ઝાલે ને લાલો માખણ માંગે

 માખણ માંગે ને, લાલો છેડલો ઝાલે,

 વલોણું ગાજે ને લાલો રે જાગે

 મમ્મી આવીને લાલાને સમજાવે,

 મમ્મી તેમને પારણે પોઢાવે

 પારણામાં લાલો મારો તોફાન કરે,

વલોણું ગાજે ને લાલો રે જાગે

ચારપાંચ બહેનપણીઓ ભેગી મળીને,

એકબીજાને ઈશારા કરીને

લાલાને સમજાવીને શાંત કરે,

તોય મારો લાલો વાત ન માને

વલોણું ગાજે ને લાલો રે જાગે,

કળીયુગનો લાલો મારો નટખટ વધારે

નટખટ વધારે ને બોલે મીઠડું લાગે,

શેરીઓમાં ધૂમ મચાવે મારો લાલો

માખણ મીસરી ખાય મારો લાલ

વલોણું ગાજે ને લાલો રે જાગે.