ઉત્તરાયણની નકરી મોજ
ઉત્તરાયણની નકરી મોજ
અલ્યા ચગે હજી હાલ પતંગ, તોય કેમ તે કાપી ?
તે આખી જિંદગી વેડફી, આમ ચગતાંને જ કાપી,
અરે તારી ટુંકલ(ફુમતાવાળી)જોઈને, પાવલો મારો લલચાયો
ઘણુય મનાયો બકા, તોય એ સામા પવનેય તારી જોડે જ લપેટાયો,
ચગવા જ દેતો નહી પતંગ જરાય, મારે શુ તારુ મોઢુ જોવાનું ?
તારા સિવાય બીજો કોઈ પેચ લડાવે, તો તારુ ઉતરેલુ મો જોવાનું ?
છોડને હવે પતંગ તારી બકા, મારા વગર ત્યાં શું રહ્યું છે તારે જોવાનું ?
આવને ધાબે કોઈ બહાને, ફીરકી મારી પકડવાની ઈચ્છા પુરી નહી કરવાની ?
વાયડીનીનો થા મા હો, તારુ ફુદુય જો હમણાં કપાઈને રહેવાનું
સંતાડીને મોકલુ ધાબે લાડુ, શરમાઈને તારે ઈ ખાતુ જ રહેવાનું.
એય જિંદગીભર પેચ તારે આમ સદાય લડાવતું જ રહેવાનું ?
ઈચ્છા નહી કાંઈ હૃદયમાં એકબીજાની કાપ્યા વગર ભેળુ રહેવાની ?
હિંમત તો કર મારા પિતાને કહેવાની, પછી જો કાયમ ફીરકી પકડી રહેવાની
નકર ઊતરે આજ કમુર્હુર્તા ને કાલ તારે વાસી ઉત્તરાયણ જ રહેવાની,
ના ના મારી ફુમતાવાળી તો બસ આ પાવલા સાથે જ રહેવાની
કાલે જ બકા મમ્મી મારી, તારા ઘેર માગુ છે નાખી દેવાની,
અરે વાહ તો તો વાસી ઉત્તરાયણ, ખરેખર મજાની છે રહેવાની
પછી તો હું ધાબુ પણ કૂદીને, તારી ફીરકી પકડીને જ રહેવાની.