ઉત્કંઠા માતૃમનની
ઉત્કંઠા માતૃમનની
કેવું હશે સર્જન એ અદ્ભૂત ઈશનું જે આકાર લઈ રહ્યું છે ગર્ભમાં !
હશે એ રાજકુમારી કે કોઈ રાજકુમાર વિચારે સતત એ સંદર્ભમાં !
નવમાસ સિંચન કરી નિજ રક્તથી સ્વપ્નો સેવતી જે હજાર !
ગુંજશે કિલકારી, મુખ ચંદ્ર સમું, નાની હથેળીઓ, હૃદયે મમત્વ સંચાર !
માતૃ મનની ઉત્કંઠાથી વિશેષ કોઈ ઉત્કંઠા હશે જ નહીં જગમાં કદાચ !
હાથમાં લઈ નિજ બાળના પ્રથમ સ્પર્શની ઉત્કંઠાથી વિશેષ કોઇ ઉત્કંઠા હશે જ નહીં કદાચ...!