ઉરે ખીલ્યું સપનું હાલ્યું

ઉરે ખીલ્યું સપનું હાલ્યુંબંધ નયનની પંખે

થોડાં સપનાં ફૂલો જેવાં કોક કંટકી ડંખે

હળવે હૈયે ઝીલો વ્હાલે છીએ અમે રે તમારાં રે જોજો જાય ન નંદવાય નહીં તો રહીશું અધૂરાં

આશાની અજવાળી પૂનમે ઈચ્છા દરિયે ઘૂઘવીએ લૂંટજો લ્હાવો છે મોંઘેરો અળવીતરાં ભલે રમીએ

પવન સરીખું પોત અમારું અણજાણ્યા છે,

સ્ત્રોતો અજંપાના માયા ભંવરમાં ઝંખના વાટડી એ દોટો

શૈશવનાં ઘડવૈયાં નિરાલાં દીવાસ્વપ્નોનાં ધાડાં લટકાળાંને ફોગટમાં પલાણો વણઝારી સોદાગરી ગાડાં

સપનાંની ફૂંદરડી રે વિશ્વ સ્વપ્ન વછોયું દિલ અલૂણું ઘૂમાવે અધૂરપી રે શોણલાં વાહ ! ઓરતાંનું ઘમ્મર વલોણું.