ઉપરવાળાનું ચક્ર

રોજ રોજ તૈયાર થવાનો કંટાળો આવે મને,

એકનું એક  ફ્રોક, બા રોજ કેમ પહેરાવે ?

મારી સખી  નિત નવાં કપડાં પહેરી  લાવે,

તેની મમ્મી રંગબેરંગી નવી રીબન પહેરાવે,

બા હસીને બોલી, "ધીરજ ધર હો દીકરી,

તારી સખીના મામા ગામમાં દુકાન રાખે,

ચારે બાજુથી માલ-મલીદો આવે,

એવો ધંધો કપડાંનો તેમનો મોટો ચાલે."

મારી આંખમાં આંસુ જોઈને બાપુજી બોલ્યા,

"દીકરી, સંસાર આમ જ ચાલે !

તારી સખી નિત નવાં કપડાં પહેરતી ભલે,

પણ તેને પપ્પાની ખોટ કેટલી સાલે !"

ઉપરવાળો કદી ઉપર ને કદી નીચે -

પોતાનાં જીવનનાં  ચક્ર થકી સૌને 

ક્યાંક ખુશ અને ક્યાંક દુઃખી રાખે 

આમ ચકરડું  નિત રમતું રાખે.