ઉંદરમામા ઉંદરમામા

ઉંદરમામા ઉંદરમામા

રોજ ભણવા આવો

ભણતર સાથે શિસ્ત શાંતિના 

પાઠ શીખતા જાઓ

ઉંદરમામા ઉંદરમામા......

મારી નિશાળમાં રમત મજાની

રમતમાં સૌની દોસ્તી મજાની

ઉંદરમામા ઉંદરમામા

કાબર સાથે રમત રમવા આવો

ઉંદરમામા ઉંદરમામા.....

મારી નિશાળમાં સંગીતની ઘમાલ છે

કવિતા, ભજન ને બાલગીત કમાલ છે

ઉંદરમામા ઉંદરમામા

કોયલ સાથે સંગીત ભણવા આવો

ઉંદરમામા ઉંદરમામા.....

મારી નિશાળમાં પ્રયોગ વિજ્ઞાનના 

ગણિત સાથે પાઠ તંદુરસ્તીના

ઉંદરમામા ઉંદરમામા

પોપટભાઈ સાથે ગણિત ગણવા આવો

ઉંદરમામા ઉંદરમામા.....

મારી નિશાળમાં પ્રવૃત્તિ અપાર

પ્રવૃત્તિમાં સૌનો ઉત્સાહ અનેરો 

ઉંદરમામા ઉંદરમામા

મોરભાઈ સાથે પ્રવૃત્તિ કરવા આવો

ઉંદરમામા ઉંદરમામા.