ઉજવીએ સાથ

ચાલ સખી પ્રેમની ઝોળીઓ ભરીએ આજ,

ઉજવણીની નવી જ રીત સૌ ઉજવીએ સાથ !

લોભની ગર્તાને ગરકાવ ઊંડાણમાં કરીએ આજ,

સ્નેહની રંગોળીઓ નવી નવી ભરીએ સાથ !

નાહક મારું તારું જિદ છોડી સહિયારું રમીએ આજ,

ખીલતી કળીઓની ખૂશ્બુની જેમ વસીએ સાથ !

ક્રોધની ખીણને તળિયે જઈ સંતાડીએ આજ,

ઊડતા પતંગાના પગરવને હળવેથી પામીએ સાથ !

દેહ સખી દીધો અનેરો એનો આનંદ માણીએ આજ,

ઉજવણીના રોજ રોજ અમૂલ્ય પ્રસંગ વધાવીએ સાથ !