તું

હૃદય ચીરું તો તું નીકળે, 

કાં મારા પ્રેમની પરીક્ષા કરે ? 

ફરી ફરીને ના શોધ મને, 

તારા દિલમાં મારું સરનામું મળે !

સવાર સાંજ તું મારામાં છે કેમકે -

તારા શ્વાસની અવર જવરથી દિલ ધડકે !

આમ ખોબો ધરીને ના માંગ પ્રેમ, 

આભ જેવડું હૃદય પણ નાનું પડે !

તારા વિરહનું દર્દ કેમ જીરવવું, 

આટલા વર્ષોના સાથ પછી ના આવડે !

તારા અસ્તિત્વને મારામાં જો 

તને શોધવાની જરૂર ના પડે. 

તું ચાલ મારી સંગાથ હાથ પકડી, 

હજારો વેદનાઓમાં જિંદગી જીવવી ગમે !

હમણાં જ આવું છું કહીને ગયા પછી, 

પળનો વિલંબ કરાવે તે ના ગમે.