"તું તો જાણે અપ્સરા લાગે!"

કેવી ફુરસદની પળોમાં ઘડી હશે તને ઈશ્વરે !

તારું આ મનમોહક મુખડું જાણે પૂનમનો ચમકતો ચાંદ લાગે !

આ તારો માસૂમિયત ભરેલો ગુલાબી ચહેરો,

જાણે સવારની ચમકતી લાલી જેવો લાગે !

તું એક નજર નાખે તો ઘાયલ થઈ જાય સૌ,

તારા નશીલા નયન તો જાણે ધારદાર તલવાર લાગે !

મેનકા જેવું આકર્ષક રૂપ તારું ખેંચાઈ આવે બધા તારી તરફ,

તારું અદ્ભૂત રૂપ તો જાણે કોઈ ચુંબક લાગે !

તારી વાણીથી થઈ જાય છે બધા મંત્રમુગ્ધ,

તારો સ્વર તો જાણે કોઈ કોયલનો ટહુકાર લાગે !

તારા ઝાંઝરના ઝણકારે ઊડી જાય ઊંઘ સૌની,

તારી ઝાંઝરનો ઝણકાર જાણે તાનસેનનાં અદ્ભૂત સંગીત જેવો લાગે !

તું હસે તો બાગના ફૂલો ખીલી જાય સઘળા,

તારું સ્મિત તો જાણે નવી ઉગેલી કોમળ કૂંપળ જેવું લાગે !

તારા ઘનઘોર ઘટા જેવા કેશ જોઈ પાગલ થાય સૌ,

આ તારા ઘાટા કેશ તો જાણે કોઈ કાળી ભમ્મર વાદળી જેવા લાગે !

ધરા પર તારી સરખામણી કેવી રીતે કરું ?

તું તો જાણે સ્વર્ગથી ઉતરેલી અપ્સરા જેવી લાગે !