સ્મરી તો જો...!

હરી લેશે તારા દુર્વિચારો, સદાશિવને સ્મરી તો જો.

જગ નહીં લાગે સાપભારો, સદાશિવને સ્મરી તો જો,

છે એ આશુતોષ માત્ર જળધારા થકી જે રીઝનારા,

સ્વયં તને કહી દેશે એ 'મારો' સદાશિવને સ્મરી તો જો.

નથી ત્યાં ભેદભાવ કશા પણ જીવમાત્રને આવકારે,

લગાવી ' મહાદેવ હર ' નારો, સદાશિવને સ્મરી તો જો.

પંચાક્ષરે પ્રસન્ન થનારા હરજી શિવ સદાય ભોળા છે,

વહાવી જો નૈનથી અશ્રુધારો, સદાશિવને સ્મરી તો જો.

અંતરયામી અવિનાશી એ મનની મુરાદ જાણનારા છે,

ભક્તને નારાજ થવાનો ન વારો, સદાશિવને સ્મરી તો જો.