તું સર્જનહાર મારી

માતૃભાવનું પવિત્ર ઝરણું નિત્ય નવનીત વહેતું

અવિરત જાણે હૃદય ખૂણેથી વહ્યા કરતું

અવર્ણનીય હેત જેનું નથી સમ તુજ માતા

ઈશની મુરત તું , ગુણગાન સૌ તારું ગાતા

લાડકવાયો હું તારો છું તું સર્જનહાર મારી

અકલ્પનીય ચમત્કારી આશિષની શક્તિ તારી

આ જગતમાં તારાં જેવી મુરત નથી કોઈ

સૃષ્ટિ પણ લાજે તુજ વિશાલ હૃદયને જોઈ

તારાં અશ્રુઓની કિંમત ચૂકવી શકાય ના તેવી

ધન્ય ધન્ય જગત જનની મમતા પર જાઉં મોહી 

ત્યાગ મહત્તી હે માવાલડી ધરા ધરાએ ગુંજે

અસંખ્ય જીવોની આ કુદરત તારી જાતને પૂજે.