તું કે તારી વાતો

મોહી લીધું હતું મન તારી વાતો એ,

તારી ધ્વનિ આકર્ષક હતી કે તું એ ખબર ના પડી,

સમય હરણફાળ ભરી પસાર થતો હતો તારી સંગે,

તારો સાથ મહત્વનો હતો કે તું એ ખબર ના પડી,

એકરૂપ થઈ ગયાનો અહેસાસ હતો તારા બાથમાં,

તારો સ્પર્શ જાદુઈ હતો કે તું એ ખબર ના પડી,

વેઠવી પડે છે વિરહની અસહ્ય વેદના,

સજાની ભાગીદાર હું છું કે તું એ ખબર ના પડી,

શા કારણે થયા વિખૂટા ક્ષિતિજ આપણા,

ખરાબ સમય હતો કે 'અમે' એ ખબર ના પડી.