તું ગમે

મને દિલથી તું ગમે, તારામાં રહેવાનું ગમે,

તું અને હું શુ જાણીએ કે, પ્રેમ કરવો કેમ ગમે !

હાસ્ય બનીને મરકે તું મારા ચહેરા પર,

તને શુ ખબર કે તારું ધડકવું કેમ ગમે !

જીવન એક પ્રશ્ન છે બહુ મોટો,

તારું હર એક જવાબ બનવું મને કેમ ગમે !

દરિયો પાર કરું તરીને, કે પછી ડુબી જાવ તારામાં,

ઘૂઘવતા હલેસા પર તારું હોડી થવું પણ કેમ ગમે !

ઠંડો ચાંદો હંમેશા દેખાયા કરે તારી આંખોમાં,

તારું વિજળી માફક મારી પર ત્રાટકવું કેમ ગમે !

થાકી ગયો છું દુનિયાની ભ્રમની જાળમાં,

આરામથી આવી જાને કને, તો તારો વિસામો કેમ ગમે !

બસ આનાથી વધારે શુ ગમે ગિરી તને,

કારણ કે, હર એક કારણમાં માત્રને માત્ર એજ તને કેમ ગમે !