તું અને ચોકલેટી મીઠાશ

તારા ચોકલેટી શબ્દોની મીઠાશ આજ પણ દિલે અકબંધ છે,

પ્રિય, ચોકલેટથી પણ મીઠો એવો આપણો સંબંધ છે,

હાથમાં હાથ લઈ ઘૂમ્યા હતાં અકારણ ગલી- ગલી,

ચોકલેટ કરતાં મીઠી એ સ્પર્શ તણી હથેળીએ સુગંધ છે,

પીગળી નથી કે નહીં પીગળે એ યુગો સુધી !

એમ મીઠી અપલક તારી આંખો મારી આંખોમાં થીજીને નજરબંધ છે,

એક તારી જીભે મારું નામ, કરે છે ચોકલેટ જેવું જ કામ,

વાહ, આ 'ચોકલેટ દિવસ' સાથે મારે તો કાયમી અનુબંધ છે.

ના, નથી 'ઝંખના' કોઈ પ્રતિકાત્મક પ્રેમ તણી, 

એવો 'મીરાં'એ અંતરમનમાં કર્યો સઘન પ્રબંધ છે.