તમે
તમે
બની પવન તમે, રિક્ત મન ભરી ગયા,
હથેળીની હસ્તરેખા ભૂંસી ફળી ગયા,
ગમતો ચહેરો, નિરંતર શોધે આયનો,
પાંપણો ભીની કરવાની સજા કરી ગયા,
ભાવ સૂના ઓરડે સમય જાગ્યા કરે,
સ્પર્શની નજાકતી ભીની યાદો થઈ ગયા,
સ્હેજ ભીતરે વરસ્યા ખામોશ બની,
મૌનમાં શબ્દો બાંધવાની બેડી બની ગયા,
લાગણી બળે, હૈયું ન રહે હાથમાં,
મારી સાથે, મારું અલ્લડ સ્મિત લઈ ગયા,
તમારામાં અટવાયો હરદમ મારો શ્વાસ,
જન્મોજન્મારાના અલૌકિક સંબંધો કળી ગયા.