તિરંગો મારાં દેશની શાન
તિરંગો મારાં દેશની શાન
ઉત્તરે ઉત્તંગ અડિખમ હિમાલય પર્વતરાજ,
સંભળાય છે નિત્ય શિવનાં ડમરુંની અવાજ,
દક્ષિણે અરબી, બંગાળ અને હિંદ મહાસાગર,
કન્યા કુમારીથી દેખાય સૂર્યોદય અને સૂર્યાસ્ત,
વિવિધતામાં એકતા એ છે ભારતીય સંસ્કૃતિ,
ભારતદેશમાં ૧૫૦૦ જેટલી ભાષાઓ બોલાય,
વિશ્વની સૌથી મોટી લોકશાહી અને લોકતંત્ર,
જ્યાં યૌવન વીંઝે નીલ ગગનમાં પોતાની પાંખ,
ગીતા મહાકાવ્ય ગાયું બની યોગેશ્વર ભગવાન
રામ- કૃષ્ણ, શંકરાચાર્ય અને પરમહંસનું જન્મસ્થાન,
મને પ્રાણથી પણ પ્યારો છે મારો દેશ મહાન,
તિરંગો છે મારાં દેશની આન, બાન અને શાન.