થાકી જવાય છે
થાકી જવાય છે
પરાયા છે અહીં પોતાના ને
પોતાના જ છે પરાયા અહીં,
અધૂરાં આ સંબંધ નિભાવવામાં
હવે થાકી જવાય છે..........
રાહ નથી નિશ્ચિત ને
તોય પંથ છે લાંબો ઘણો,
મંઝિલ સુધી પહોંચતા રાહીથી
હવે થાકી જવાય છે........
ભેદ ન સમજાય પરાયાં ને પોતાનાનો
કોની કરવી દરકાર હવે અહીં
ખોટી પરવાહ કરવામાં,
હવે થાકી જવાય છે...........
દાદ મળે જો ભરી મહેફિલમાં
તો દિલ થાય છે ખુશ ઘણું-ઘણું,
પણ ખોટી ખુશામતથી
હવે થાકી જવાય છે........