હાસ્યરસ

નવ રસમાં ઉત્તમ રસ છે હાસ્ય

ક્યાંક મીઠું ને મધુરું મલકાતું હાસ્ય

વસે છે છલ્લોછલ પ્રેમમાં પણ હાસ્ય

તો ક્યાંક છે વેદનાનું ઝરણું આ હાસ્ય

કાતિલ છે ને કત્લ કરે છે આ હાસ્ય

તો ક્યાંક છે ભ્રામક છલનાઓનું હાસ્ય

છલકાય છે નટખટ શિશુના મુખ પર હાસ્ય

ક્યાંય ન દીઠું આવું સુંદર ભોળું હાસ્ય

ઋજુ હૃદયી નારીના ચહેરાનું નૂર છે હાસ્ય

છે અનેક રહસ્યો મહીં ઘેરાયેલું હાસ્ય

હૈયે ને હોઠે સદા વસે જેને હાસ્ય

છે એ નર સદા સુખી, થકી હાસ્ય.