ખબર ક્યાં હતી ?

ચાહવું કેટલું એ ખબર ક્યાં હતી ?

પ્રેમને જાણવાની ઉંમર ક્યાં હતી ?

ખ્વાબમાં તો પ્રણયની અસર ક્યાં હતી ?

ખ્વાબ દફનાવું એવી કબર ક્યાં હતી ?

જિંદગી જીવવી આ સરળ તો ન'તી

પ્યારનાં સબંધોની કદર ક્યાં હતી ?

ઓળખું પ્રેમને એ સમજ ના હતી,

હું કદી આપની હમસફર ક્યાં હતી ?

ચોપડી પાન પર ફૂલ છે એ શ્વસે,

તું કહે પ્રેમમાં તો કસર ક્યાં હતી ?

બાગનો બાંકડો રાહ તારી જુએ,

તું કહે પ્રેમમાં એ સબર ક્યાં હતી ?