તારો શ્વાસ
તારો શ્વાસ
કાળમીંઢ, વલખા મારતી,
કેટલીયે સાંજો ઢળ્યાં વગરની,
આજે મને શોધ્યા કરે ને,
હું આજેય એ યાદોની,
તિરાડોમાંથી ટપક્યાં કરું,
ઘડીકમાં રેલાતું, રીમઝીમ વરસતું,
એ વ્હાલનું ટીપુ મારી એ જ,
સુંવાળી હથેળીને સ્પર્શી જતું,
જે તારી છુટીછવાઈ,
નટખટ ચેષ્ટાઓને ઝીલી લેતું' તું,
હું એ હથેળીને યાદોના ટીપાંમાં બોળું,
ને એ જ ક્ષણે તારો સ્પર્શ,
અત્તર બની મહેકી ઊઠે,
ને તારો શ્વાસનો ઘૂંટડો ભરી,
હું મારી ધડકનને ઢંઢોળ્યા કરું.
જીવનની બધી પરીક્ષા
બસ આપ્યા જ કરું.