તારી યાદનો નશો

તનને ભીંજવે આ ચોમાસુ

મનને ભીંજવે તારી યાદ,

મનનો મોર કરે થનગનાટ.

એક આ મોસમનો નશો,

બીજી તારી યાદનો નશો

તન મન ઝૂમી ઊઠે,

હૈયાના આકાશે રચાયું તારા પ્રેમનું મેઘધનુષ્ય

જીવન બની ગયું મારું આ સપ્તરંગી મેઘ ધનુષ્ય જેવું,

બહાર વરસે વર્ષા રીમઝીમ

ભીતર તારી યાદો અનરાધાર,

મનની ધરતી બની હરિયાળી

લીલો રંગ બધે પથરાયો,

મોરલા એ છેડ્યો કોઈ રાગ

ધરતી બની ગઈ જાણે એક બાગ,

હૈયે વાગે કોઈની યાદોના બાણ.

ધરતી બની ગઈ જીવંત ગઝલ જાણે

વર્ષા એ પૂર્યા એમાં પ્રાણ.