તારી આ આદત મને ગમે છે

હરેક પળે મોજથી જીવવાની,

ચિંતાને હવામાં ઊડાડી દેવાની,

બેફિકર બની જીવવાની,

તારી આ આદત મને ગમે છે,

આજની ક્ષણમાં જ જીવી લેવાની,

કાલની ચિંતા નહી કરવાની,

જે થશે તે જોયું જવાશે,

બસ તારી આ મોજીલી આદત મને ગમે છે,

મિત્રો સાથે ટોળ ટપ્પા કરવાના,

વરસાદમાં હડી કાઢવાની,

ચાલુ વરસાદે પલળવાની,

બસ તારી આ અલ્લડ આદત મને ગમે છે,

જે છે એમાં સંતોષ માનવાનો,

નથી મળ્યું એના માટે ફરિયાદ નહીં કરવાની,

ઈશ્વર પર હંમેશા આસ્થા રાખવાની,

ઈશ્વરમાં આસ્થા રાખવાની,

તારી આ આદત મને ગમે છે,

હંમેશા હસતો ચહેરો રાખવાનો,

હતાશામાં પણ હતાશ નહીં થવાનું,

જે થવાનું હશે તે થઈને જ રહેશે,

તારી આ બેફિકરાઈની આદત મને ગમે છે,

આજે દુઃખ તો કાલે સુખ આવશે,

આજે પતઝડ તો કાલે બહાર આવશે,

આજે અમાસ તો કાલે પૂનમ આવશે,

તારી આ જિંદગીની ફિલોસોફીની આદત,

મને ગમે છે,

રિસાય એને મનાવી લેવાના,

દૂર હોય તો પાસ બોલાવી લેવાના,

કોઈ પણ ભોગે જીવનમાંથી એને નહીં જવા દેવાના,

કિંમતી સંબંધોને જાળવી રાખવાની,

તારી આ આદત મને ગમે છે,

મિત્રો કે સંબંધી દુઃખી હોય ત્યાં દોડ્યું જવાનું,

વગર આમંત્રણે ત્યાં ચાલ્યા જવાનું,

જાત કરતા વધારે મહત્વ એને આપવાનું,

તારી આ ત્યાગ કરવાની આદત મને ગમે છે.