તારા નામે કરી છે

હૃદયનાં કોરા કાગળ પર તારું નામ લખ્યું છે,

આ દિલ, આ ધડકન તમામ તારે નામે કરી છે,

જ્યાં વરસોથી હૃદયની ધરા પડી છે સૂમસામ,

એ હૃદયની ગલીઓ મે તારે નામે કરી છે,

આ રોમેરોમમાં રક્ત બની વહે છે તું,

આ શ્વાસની સરગમ મે તારે નામે કરી છે,

ઇન્તેઝારનો દીપક પ્રગટાવ્યો તારી રાહમાં,

આ ઝળહળ બની હૃદયની ધરા,

આ હૃદયની ઉજળી ધરા તારા નામે કરી છે,

આ હથેળીની મહેંદી,આ ઓષ્ઠ પરની લાલી, આ આંખોમાં લગાવેલા કાજલ,

આ હરેક પળે ગુંજતી શ્વાસોની સરગમ તારા નામે કરી છે,

 

કરી દે તું પણ દસ્તખત, કરી દે તારી હરેક પળ મારે નામ,

મે તો આ પ્રેમની કિતાબમાં પણ તારા નામે કરી છે,

હૃદયનું અક્ષત પાત્ર છે સ્નેહથી છલોછલ ભરેલું,

મારી આ જિંદગીની પૂરી કિતાબ મે તો તારા નામે કરી છે.